「英皇新秀歌唱大賽2007」現正舉行，英皇娛樂集團高層吳雨及霍汶希等日前親自揀卒，率領吳浩康（Deep）及鄭希怡（Yumiko）等歌手以身份出席首輪面試，由於報名人數眾多，故需分批輪流面試，不少參加者選唱英皇歌手歌曲，務求搏得評判歡心，Deep化身魔鬼評判揚言參加者準備不足，均一律照「叮」冇情講；狀態大勇的Yumiko正投入籌備新碟，她揚言無論身心均是入行以來最佳狀態！
Yumiko表示已是第三年做試音評判，她說：「今年年齡差別大0左，年青年長都有，公司都多後生歌手，最緊要唱歌唱得好，幾多歲冇所謂。」Yumiko透露自己17歲參加新秀跟阿Deep同屆，當時她選唱張惠妹的歌曲，並自爆比賽緊張得發震，幸好演唱中途獲一位評判對她報以微笑才增強信心，她說：「所以我盡量向每位參賽者微笑，希望佢0地唔好咁緊張，就當我0地透明得喇。」問到選唱其歌曲可會加分？Yumiko說：「唔關事，都係睇適唔適合唱，如果唱得仲好過自己當然會加分啦，又唱又跳都會加分，最緊要係唱得有感情，樣貌都係其次。」
提到公司新人輩出，Yumiko對於榮升「大大師姐」坦言感到一定壓力，她說：「年資越來越深，實力要一年一年咁進步先得，要迫自己再做好0的，如果唔係唔配做大師姐。」除此，Yumiko正忙於籌備新碟，她為了封套積極做gym修身及練氣，現在的她可謂狀態甚勇。Yumiko笑言：「呢排心情、狀態都畀以前好，無論心態同外在都係入行最fit，之前休息完叉夠電喇。」
Deep亦是第三年做評判，他透露當年亦是給泳兒很最高分數，提到今年參賽年齡由十五至四十餘歲均有，他說：「15歲參加勇氣可加，參賽者最緊要有自信，外形唔好可以裝備。」不少參賽者揀選Deep的歌曲，他說：「揀我0的歌當然開心，但我會唔敢望，怕令佢0地有壓力，我當年都係0係呢度面試，唱完緊張到返埋位都腳震。」Deep揚言評分絕不鬆手，如果參加者準備不足，就算選唱他的歌曲亦冇情講，Deep說：「頭先我畀0左最低分係負十分，參賽者冇準備同唔認真，都係唔尊重。」另外，「英皇新秀歌唱大賽2007」冠軍得主除了獲得歌星合約外，還有獎金獎品總值十萬元，而今年更加增設冠軍得主提名人可獲壹萬元現金獎，最後截止參加日期為8月18日。 |