容祖兒Joey剛完成於英皇十週年音樂會後即忙為3月7日的新城電台的唱好音樂會進行綵排，日前，Joey為其新歌《一直看見天使》拍攝MV，找來8位超可愛的小朋友參予拍攝，MV於清水灣片場拍攝。

 

歌曲描述不要因遇到困難或逆境便氣餒，只要細心留意，其實小天使往往就在你附近守候。應該學習以好的那面看，就算天氣多壞亦總會有放晴的一天吧！况且壞天氣也不是壞事啊！歌詞由Wyman為Joey度身打造，問Joey心中的小天使應該是什麼模樣呢？Joey答道:「其實，係我身邊的朋友仔就係我嘅小天使喇！唔係剩係得我有架！小天使真係充滿係你哋週圍架!只要大家留意一下，你會發現當你心情壞透或者遇上難題的時候，係咪會有人同你分擔或鼓勵你一下呢！呢D都會你嘅小天使嚟架！」的的確確一直抱著樂觀與積極的態度的Joey讓她於樂壇的十年裡得到很多的支持及寵愛。

 

為了配合主題，導演找來8位小朋友穿上純白衣服加上天使翼扮演Joey的小天使， 這次的拍攝頗為有趣，導演安排了一個巨形的台板，以2D的剪紙道具作背景，故大家不難看到Joey與小天使的追逐片段，又或於樹林間散步等，可愛非常。

 

Joey開始時知道整個MV都係瞓住拍時，仲大大聲話呢個MV應該係有史之來最舒服的MV添！不過，當Joey埋位時便知道這並不是一份優差了， 原來瞓係度扮到好似企係度咁！都要需要好多力氣架！雖然好攰，但看見眼前一些小天使咁乖咁專業當然不敢怠慢，仲充當導演發施號令叫Action讓小天使入戲，當中，Joey更測試小天使的專注度，不斷引小天使傾計同笑，但又要他們保持動作唔可以亂郁，其中一位小天使更大嚷：「Joey姐姐唔好同我傾計啦!我忍唔到笑喇！」導演隨即謂：「容祖兒小朋友，乖乖地唔好引人傾計喇！」引得全場笑聲四起。休息時，小朋友紛紛要跟Joey合照，有啲小朋友仲唱住Joey嘅歌俾Joey聽添！Joey聽後大讚小朋友唱得好聽，溫馨氣氛充斥着片場每一個角落。